പ്രിയ മക്കളേ, ദൈവത്തിൻ്റെ ദൃഷ്ടിയിൽ വലിയവരാകാൻ നിങ്ങൾ മനുഷ്യരുടെ ദൃഷ്ടിയിൽ ചെറുതായിരിക്കുക. ദൈവം നിങ്ങളെ വിളിക്കുമ്പോൾ, നിങ്ങൾ മേലിൽ ലോകത്തിൽ പെട്ടവരല്ല അവൻ നിങ്ങൾക്ക് നൽകിയ മേലെങ്കി ഒരു മനുഷ്യശക്തിക്കും നിങ്ങളിൽ നിന്ന് എടുക്കാൻ കഴിയില്ല. നിങ്ങൾ സത്യത്തിൻ്റെ പ്രഘോഷകരാകുക. പിശാചിൻറെ അന്ധകാരത്താൽ മലിനമായ ഒരു ലോകത്തിലാണ് നിങ്ങൾ ജീവിക്കുന്നത്. നിങ്ങൾ വെളിച്ചത്തിൽ നിന്നുള്ളവരാണ്. നിങ്ങൾ കർത്താവിൻ്റെ മാത്രമായിരിക്കുക, അവൻ നിങ്ങളെ പരിപാലിക്കട്ടെ. പ്രാർത്ഥിക്കുന്ന സ്ത്രീകളും പുരുഷന്മാരുമായിരിക്കാൻ ഞാൻ നിങ്ങളോട് ആവശ്യപ്പെടുന്നു. പ്രാർത്ഥനയുടെ ശക്തിയാൽ മാത്രമേ നിങ്ങൾക്ക് തിന്മയെ മറികടക്കാൻ കഴിയൂ. നിങ്ങൾ എൻ്റെ വിളിയോട് അനുസരണയുള്ളവരായിരിക്കുക, എല്ലാം നിങ്ങൾക്ക് നന്നായി അവസാനിക്കും. ഞാൻ നിങ്ങളുടെ അമ്മയാണ്, നിങ്ങളെ സഹായിക്കാൻ ഞാൻ സ്വർഗ്ഗത്തിൽ നിന്ന് വന്നിരിക്കുന്നു. നിങ്ങൾ എന്നെ ശ്രദ്ധിക്കുവിൻ. ഈ നിമിഷത്തിൽ, സ്വർഗത്തിൽ നിന്ന് നിങ്ങളുടെ മേൽ കൃപകളുടെ അസാധാരണമായ ഒരു മഴ പെയ്യിക്കുന്നു. മുന്നോട്ട് നീങ്ങുക! എൻ്റെ യേശുവിന് നിന്നെ വേണം. പരിശുദ്ധ ത്രിത്വത്തിൻ്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിൻ്റെയും പുത്രൻ്റെയും പരിശുദ്ധാത്മാവിൻ്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.

പ്രിയ മക്കളേ, നിരുത്സാഹപ്പെടരുത്. എൻ്റെ യേശു നിങ്ങളോടൊപ്പമുണ്ട്, ഒരിക്കലും നിങ്ങളെ കൈവിടില്ല. അവനിൽ നിങ്ങളുടെ വിശ്വാസവും പ്രത്യാശയും അർപ്പിക്കുക, നിങ്ങൾ വിജയികളാകും. മാനവകുലം ആത്മീയ അഗാധതയിലേക്ക് നടക്കുന്നു, മഹത്തായ തിരിച്ചുവരവിന് സമയമായി. എൻ്റെ മകൻ നിങ്ങളെ സ്നേഹിക്കുന്നു, തുറന്ന കരങ്ങളോടെ നിങ്ങളെ കാത്തിരിക്കുന്നു. നിങ്ങളുടെ വിശ്വാസത്തിൻ്റെ ജ്വാല ജ്വലിപ്പിക്കാൻ ഞാൻ നിങ്ങളോട് ആവശ്യപ്പെടുന്നു. നിങ്ങൾ ആദ്യം സ്വർഗ്ഗത്തിലെ കാര്യങ്ങൾ അന്വേഷിക്കുക. ഈ ജീവിതത്തിൽ എല്ലാം കടന്നുപോകുന്നു, എന്നാൽ നിങ്ങളിലുള്ള ദൈവത്തിൻ്റെ കൃപ ശാശ്വതമായിരിക്കും. നിങ്ങൾക്ക് ബലഹീനത അനുഭവപ്പെടുമ്പോൾ, പ്രാർത്ഥനയിലും ദിവ്യബലിയിലും ശക്തി തേടുക. നിങ്ങൾ മറക്കരുത്: നിങ്ങൾ എൻ്റെ പുത്രനായ യേശുവിൽ നിന്ന് അകന്നിരിക്കുമ്പോൾ പിശാച് ജയിക്കുന്നു. നിങ്ങളുടെ പ്രതിരോധ ആയുധം സത്യത്തോടുള്ള സ്നേഹമാണ്. നിങ്ങൾ ശ്രദ്ധിക്കുക! ദൈവത്തിൽ അർദ്ധസത്യമില്ല. പ്രളയകാലത്തെക്കാൾ മോശമായ കാലത്താണ് നിങ്ങൾ ജീവിക്കുന്നത്. നിങ്ങൾ ഇനിയും ഭൂമിയിൽ ഭീകരത കാണും. മനുഷ്യരുടെ കരങ്ങളാൽ വലിയ നാശം വരും. നിങ്ങൾക്ക് വരാൻ പോകുന്ന കാര്യങ്ങളാൽ ഞാൻ സഹിക്കുന്നു. ധൈര്യമായിരിക്കുക! നിങ്ങൾക്ക് വേണ്ടി ഞാൻ എൻ്റെ ഈശോയോട് പ്രാർത്ഥിക്കാം. പരിശുദ്ധ ത്രിത്വത്തിൻ്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിൻ്റെയും പുത്രൻ്റെയും പരിശുദ്ധാത്മാവിൻ്റെയും നാമത്തിൽ ഞാൻ നിങ്ങളെ ആശീർവദി ക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.

പ്രിയ മക്കളേ, ഞാൻ നിങ്ങളുടെ ദുഃഖിതയായ അമ്മയാണ്, നിങ്ങൾക്ക് സംഭവിക്കുന്ന കാര്യങ്ങളാൽ ഞാൻ സഹിക്കുന്നു. പലരും കർത്താവിനെ അന്വേഷിക്കുന്ന ദിവസം വരും, പക്ഷേ വിളക്കുകൾ അണഞ്ഞുപോകും. പിശാചിൻ്റെ പുക ദൈവത്തിൻ്റെ ഭവനത്തിൽ അന്ധത ഉണ്ടാക്കും, നീതിമാൻ ഭാരമുള്ള കുരിശ് ചുമക്കും. നിങ്ങൾ യേശുവിൽ വിശ്വസിക്കുവിൻ. സത്യത്തിൻ്റെ പാതയിൽ നിന്ന് നിങ്ങളെ അകറ്റാൻ യാതൊന്നിനെയും ആരെയും അനുവദിക്കരുത്. നിങ്ങളുടെ ആത്മീയ ജീവിതത്തെ പരിപാലിക്കുക. നിങ്ങളുടെ ഉള്ളിലുള്ള ദൈവത്തിൻ്റെ നിക്ഷേപങ്ങൾ വലിച്ചെറിയരുത്. കുമ്പസാരത്തിലും ദിവ്യബലിയിലും നിങ്ങൾ ശക്തി തേടുക. നിങ്ങളുടെ തിരിച്ചുവരവിന് പറ്റിയ സമയം ഇതാ. എൻ്റെ ഈശോ നിങ്ങൾക്കായി കരങ്ങൾ തുറന്ന് കാത്തിരിക്കുന്നു. എന്ത് സംഭവിച്ചാലും, നിങ്ങൾ മറക്കരുത്: ദൈവത്തിൽ അർദ്ധസത്യമില്ല. പരിശുദ്ധ ത്രിത്വത്തിൻ്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിൻ്റെയും പുത്രൻ്റെയും പരിശുദ്ധാത്മാവിൻ്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.